سفنج بسيط اسهل منو ماكانش

سفنج بسيط في مكوناتو لافيه بيض ولا اي مادة دهنية ،سهل التحضير تقدر كل اخت تحضروا مساء مع الحليب ،يؤكل ساااااااااخن مع شوية عسل او سكر عادي اوسكر رطب، هااااااااايل اهديه لكل اخواتي الحبيبات اللي طلبو مني الوصفة

كاس ونص فرينة +كاس ونص سميد ارطب +ملعقة كبيرة خميرة +م ك سكر عادي +ملعقة صغيرة خميرة قاطو+ملح،نخلط الكل ونبل بماء دافي حتى نتحصل على عجينةلاهي طرية ولاهي يابسة

نعجنها مليح ونطري بالماء الدافي حتى تتشكل عجينة تقريبا كيما تاع لمسمن

ننقلوها لوعاء بلاستيكي ونخلوها في مكان دافي حتى تخمر ويتضاعف حجمها

نغطسو يدنا في الزيت ونشكلو كويرات،نخلوها تخمر 5او10دقائق انت والدفء اللي في كوزينتك

لما تخمر الكرية اعملي ثقب بوسطها ثم الى زيت ساخن وبعد ماتحطيها نقصي النار باش ماتبقاش معجنة من داخل وبالملعقة اغمريها بالزيت باش تزيد تتطلع

اذا حبيتيه بالسكر العادي حطي فيه الحبات وهوما سخونين باش يلصق فيهم،اما السكر لرطب ستفيهم في الصحن ورشيهم بالصفاية والعسل نفس الشيء

» سفنج حلو
» سفنج لغالية
» سفنج البيض
» سفنج بالمعجون . . "بالصور".
» سفنج الذي يباع على الشواطىء