لتارتة اللي خدمتها

أخواتي أولا السلام عليكم
وثانيا هاذي الكيكة راني درتها في المولد إذا عجبتكم قولولي نعطيكم الوصفة
وإذا ماعجبتكمش فشكرا كي تصفحتو الموضوع
وفي الاخير دعوة الخير منكم

والله حبيباتي الله يسلمكم وربي يحفظكم ليا وراكم طلعتولي المورال

المهم المقادير هي
4بيضات
نصف كاس سكر
ربع كاس زيت
1فاني
1,5 خميرة
4مغارف كبار كاكاو رقم 16
فرينة حوالي 2كيسان برك لازم تخليها تكون جارية وتدهني الصينية بالزبدة وترشيها يالفرينة وتفرغي العجينة السائلة
تديريها في الفرن مدة 20 دقيقة ومن بعد من فوق مدة 15 دقيقة
تخرجيها خليها تبرد مليح حوالي ساعة ومن بعد اقسميها على 2
وأخدمي الكريم شانتي أنا شريتها غبرة ودرتلها الحليب البارد وطلعتها مليح
وحشيت التارتة من الوسط وخلطت مع الكريم شانتيي كريمة الزبدة (زبدة طرية ضربتها بالباتور +سكر ناعم +شوية ماء) ومن بعد حطيت النصف الثاني
ودهنتها كامل بالكريمة وقطعت الشيكولاطة بالسكرفاج ودرتها في الحواشي وقطعت التفاحة براج رقاق والتشينة والبنان طبعا التزيين ديري واش تحبي ونتمنى من الأخت اللي تجربها ترجعلي الخبر ربي يحفظكم وماتنساونيش بدعوة الخير وربي يحفظلي أمي