مسكوتة بالكوكاو بنينة ** من مطبخي **

السلام عليكم ورحمة الله وبركاته اليوم درت هذه المسكوتة البسيطة واتمنى تنال اعجابكم

جهزي مقادير اي مسكوتة تنجح معاك ومعتمدتها
اضيفي لها نصف كاس كوكاو مرحي بقشوره



اطهيها في الفرن




وجهزي خليط من
3ملاعق مربى + نصف علبة شكولاطة +نصف كاس عصير وحركيهم مليح فوق النار ثم اضيفي ملعقة كبيرة كوكاو رقيق وامزجي



اقسمي المسكوتة على اثنين
ضعي الخليط بين الطبقتين



اسكبي فوقها الشكولاطة وزينيها بالخليط الابيض وفي الجوانب كوكاو مرحي بقشوره
مقادير الشكولاطة
علبة شكولاطة منى +نصف كاس تاي ماء + ملعقة كبيرة كاكاو نتاع الميزان على النار +ملعقتين كبيرتين زيت خلطي جيدا واسكبيها فوق المسكوتشو
الخليط الابيض
4 ملاعق سكر مسحوق + ملعقة كبيرة زيت + ملعقة صغيرة نشاء + قبضة ملون ابيض نتاع الميزان + ملعقة الى ملعقتين حليب بارد خلطي بشوكة ولازم يكون الخليط ثقيل ضعيه في كيس واثقبيه وخيالك واسع في التزيين











لمن طلبت المقادير
3 بيض اخفقيهم جيدا + كاس سكر على دفعات مع الخفق المتواصل + نصف كاس زيت اخفقي جيدا + نصف كاس حليب ثم اضيفي بالملعقة 2 كاس فرينة منخولة ( انخلي الفرينة اولا ثم املئي 2 كاس )+ نصف كاس كوكاو مرحي بقشوره + كيس خميرة كيميائية
افرغي الخليط في مول مدهون بالزبدة ومرشوش بالفرينة