حلوياتي بسيطة ومتواضعة

الحلزون بشكل جديد


لحلزون l’escargot
250غ مارغرين +1كاس سكر ناعم +1فانيلا+ 1 بيض +2 ملاعق كبيرة عسل+1خميرة نضيف الفرينة نحصل على عجينة طرية جدا نقسمها الى قسمان نضيف لاحدهما شوية فرينة حتى نحصل على عجينة طرية. والقسم الثاني نضيف له 2 او 3 ملاعق كاكاو .
نحل العجينة البيضاء . ثم نحل العجينة البنية ونضعها فوق البيضاء (من الاحسن نحلو العجينة فوق كيس بلاستيكي ) نعاود نمررعليها الحلال ثم نلفها على شكل حربوش نحطها في الثلاجة تشد روحها شوية ثم نقطعها دوائر (هذا الشكل الاصلي تكون مثل الحلزون. انا بعدما نقطعها ندخها في هذا الطابع
إضغط هنا لرؤية الصورة بحجمها الطبيعي.
.ندخلها الفرن بعدما تطيب نلصقها بالمربى ونرمد الاطراف في جوز الهند.
نتمنى تجربيها انا كل مرة نديرها هي الاولى اللي تخلاص في كل الحلويات.






بقلاوة بعجينة فيلو


المشوك



صابلي le chapeau


250غ مارغرين+كاس سكر ناعم+1(بيض +صفار )+كاس جوز الهند+كاس مايزينة+1فانيلا+نصف ساشي خميرة نضيف الفرينة حتى نحصل على عجينة طرية جدا ننقص منها الثلث نضيف له 3ملاعق كبيرة كاكاو اما بقية العجينة نضيف لها الفينة نحصل عليها طرية .
نحل العجينة البيضاء وتقطع دوائر .
نشكل كويرات من العجينة البنية وندخلها في مول المعمول الحفرة الصغيرة مع الضغط جيدا
نمسح وسط الدوائر البيضاء ببياض البيض ونضع عليها الكويرات البنية ندخلها الفرن .بعدما تبرد تغمس في العسل وتزين بشيط وازهار من عجينة اللوز .
انا ما يحبوش عجينة اللوز زينتها بالشكولا ذائبة.
وهذا شكلها بعجينة اللوز

مقروط الكوشة


المقروط
3كيلات دشيشة متوسطة +نصف كيلة فرينة+رشة ملح +رشة فانيلا+1ملعقة كبيرة سكر نمزج الكل ونشكل حفرة في وسط الدشيشة نحط فيها الكيلة اللي كيلنا بيها (un bol) ونعمرها فايضة بالسمن ذائب نبسس مليح ونخليها تتشرب على الاقل ساعة ومن الاحسن ليلة كاملة .
نفور الغرس ويعجن مع رشة قرفة وقرصة قرنفل +1ملعقة كبيرة سمن وبعدما يبرد نضيف حبة بيض ونعجن مليح ثم نشكل حرابش.
ناخذ كمية من الدشيشة نرشها بشوية ماء +ماء زهر نفتلها تكون طرية نشكلها حربوش نضع في الوسط الغرس( اذا حبيتيه منقوش رشي شوية فرينة فوق الطاولة وحربشيه عليها بصح ما تكثريش ثم قطعيه و انقشي الوجه) وتقطع مقروطات نضعها في صينية( تكون عندها حواف عالية )مدهونة مليح بالسمن مانباعدش بين الحبات ونرش من فوق بشوية سمن ذائب وندخلها الفرن تتحمر. عند اخراجه من الفرن يسقى بعسيلة دافئة+ماء زهر نخليه يتشرب ثم نعاود نسقيه نتركه يتشرب ثم ننزعه من الصينية.

صابلي بالزيت

صابلي بالزيت
500غ مارغرين +2كاس سكر ناعم +كاس زيت+1ملعقة كبيرة فانيلا+3حبات بيض+2كاس مايزينة +1خميرة نضيف الفرينة حتى نحصل على عجينة طرية نحلها فوق كيس بلاستيكي وتقطع حسب الرغبة ( من الاحسن استعمال grattoir لرفع حبات الحلوى الى الصينية حتى لا تتكسر) .بعدما تطيب تلصق بالمربى وتزين حسب الذوق

roulé a la noix de coco

300غ مارغرين+كاس سكرناعم +1ملعقة فانيلا+1حبة بيض+نصف كاس حليب +كاس مايزينة +1خميرة نضيف الفرينة حتى نحصل على عجينة طرية .
الحشو
2كيلات جوز الهند+1كيلة سكر ناعم +2ملاعق كبيرة كاكاو+1ملعقة فانيلا نمزج ثم نفتل بالبيض مضرب حوالي 2حبات .
نحل العجينة مستطيل رقيق نمسح كامل الوجه بالبيض مضرب ثم ندردر عليه الحشو مع ترك 1سم عن الحواف نمرر عليه الحلال ونمسح فوق الحشو بالبيض نلفه على شكل حربوش ويقطع .بعدما يطيب ويبرد يغمس في العسل وكي ينشف نطلي الوجه بالشكولا ذائبة ويزين .