حلوة أ مريكا

المقادير
250 غ مارغرين طرية + كأس سكر ناعم + كأس زيت + 2 بيض + شوية لفاني + فرينة
نخلط المارغرين بكف اليد ثم نضيف السكر و نخلط جيدا

ثم نضيف الزيت و نخلط جيدا

ثم نضيف البيض و نخلط جيدا

نضيف لفاني الفرينة حتى نتحصل على عجينة شوية يابسة لأنها تتفتت كي تكون طرية

نخليها ترتاح شوية
ندهن القوالب بالزيت جيدا

ثم نرش الفرينة على طاولة و نحل العجينة بسمك 2 إلى 3 ملم

نقطع دوائر بواسطة كأس

نضع دائرة فوق القالب

ثم نضع كويرة من العجين في كيس

نضغط بالكيس اللي فيه العجينة على القالب حتى يأخذ شكل القالب

ثم ننزع العجينة الزائدة و ندخلها إلى الفرن المسخن مسبقا درجته 250 د و نطيبهم من فوق و من تحت
كي يطيبو نقلبهم و هم سخونين و ننزع القالب

الحشو :
نخلط باكي قاطو بيمو مرحي مليح+ نصف باطة حلوة الترك + كمشة كوكاو مرحي خشين شوية + نضيف لاجولي حتى نتحصل على خليط شوية طري

نملأ القوالب بالحشو


نذوب الشكولا نخليها خاثرة مع شوية حليب و نملامن فوق فوق الحشو


نضع شوية كوكاو مرحي من فوق