مسكوتة بالناسكافي

راهي الكونكسيو ضعيفة تطاع برك و نحطلكم الصور خطوة ب خطوة
المقادير

8بيض
200 غ سكر عادي مقسوم على نصفين 100 غ في كل نصف
6 م ك ماء زهر
200 غ لوز ماهوش مقلي و ماهوش مقشر و مرحي (دقدقيه في المهراس و من بعد ارحيه في رحاية القهوة انا راهو فسدلي الروبو الصغير لخاطر لحت فيه اللوز مباشرة من بعد قعد يدور في الفراغ )
100 غ خبز مقلي في الفور و مرحي
2 علب شكولاطة مينا noire مرابية رقيقة
1 م ك فاني
1 خميرة
extrait ماء الزهر *اختياري*
8 م ك مربى المشمش + 4 م ك ماء الزهر مخلوطين
الgناش
2 طراف شكولاطة الميزان
20 ال 40 غ زبدة
مقدار كاس تاي حليب دافئ اذوبي فيه 2 م ك نسكافي

كيفية التحضير
كسري البيض + الفاني و خلطي بالباتور بالشوية
اضيفي 1/2 م ص مركز ماء الزهر اذا عندك ثم اضيفي 100 غ نتاع السكر بالشوي مع زيادة سرعة الباتور او العجانة

ضربي مليح حتان تتحصلي على خليط مثل المايونيز لي ماش صالح ههههههههههه زيديلو 6 م ك ماء الزهر بالتدريج مع استمرار عملية الخلط


زيديلو 6 م ك ماء الزهر بالتدريج مع استمرار عملية الخلط

في اناء اخر خلطي اللوز و الخبز و الشكولاطة المرابية و 100 غ نتاع السكر المتبقي و الخميرة


اضيفيهم للخليط شبيه المايونيز الفاسد بالشوية مع الخلط من الاسفل الى الاعلى وحاولي تكوني خفيفة باه ماينشفش الخليط


فرغي الخليط في بلاطو مدهون مليح و مرشوش بالفرينة
شعلي الفور على درجة 150 ° و دخلي لبلاطو لمدة 15 د


روحي اغسلي لماعن * ماشي بزاف*


بعد ذلك حضري الgناش
في حمام مائي ذوبي طراف الشكولاطة ا


ضيفي لها الحليب و النسكافي و الزبدة و خلطي و خليها تبرد و تحكم روحها شوية

بعد ماتطيب المسكوتة خرجيها و ادهنيها مباشرة بالكونفتير المخلوط بماء الزهر و خليها تتشربو ملييييييييييييييح




بعد ذلك كبي عليها القناش و زينيها بحبات جوز او خليها كيما راهي


خليها تنشف مليييييييييح من بعد قصيها و اتمتعي بريحة ماء الزهر و النسكافي و مرارة شكولاطة noire صدقوني ماتتشبعش
*انا خاوتي jamais يصبرو عليها تنشف ههههههههههههههه توجد منا ياكلوها منا هههههههههههههه