لا مونا من صنع يدي

سلام لبنا ان شاء الله لاباس عليكم عندي وصفة شابة بزاف تع لا مونا وخفيفة وبنينة ومضمونة مئة بلمئة اليكم المقادير
المقادير
500 غ فرينة مغربلة
100 سكر عادي
10غ ملح
كاس شاي تع زيت مايعادل 12 مغرف كبيرة
مغرف كبير خمارة تع خبز
زست تع ليمون +ماء دافىء
مقادير الكريمة
1/2ل حليب (نصف لتر)
3مغارف كبار فرينة
سكر حسب الدوق
حبة بيض
مغرف صغيرة لافاني
زست حبة ليمون
3مغارف كبار دهان
طريقة تحضير العجينة

نديب خمارة مع قليل من ماء و قليل من السكر
نضع فرينة + زيت ملح وسكر وخمارة وماء حتى تتلم ونخلوها شوية خفيفة يعني ماشي عجينة مزيرة ونضربها بلكف تع اليد يعدي مانعجنهاش ونخليها ترتاح 15 د تم نعاود نضربها ونخليها ترتاح 15د ومرة تالية نضربها ونخبزها في صينية ونخليها تخمر وقد ماتخمر نطيبها ونخليها تبرد ونقسمها على 2
طريقة تحضير الكريمة
في كاسرول نضع الحليب مع السكر حسب الدوق + زست نع ليمون+ فرينة + بيض ونخلطها مليح وكي يتجانس الخليط نحطها فوق النار من استمرار في تحريك حتى تعقاد نحيها عبى نار ونحطلها دهان ونخليها تبرد للعمل عليها
وفي الاخير
نضع الكريمة في وسط لا مونا لي طيبناها ونزينها يا بلششكلاط المداب وكوكاو او ناباج وvارميسال وتبقى عندكم زينوها كيما تحبو وشهية طيبة وهادي صورتها في اخير
هادي زينتها بحلوة الترك وشكلاط

وهادي بشكلاط وكوكاو

وهادي بناباج وvارميسال

علابالي بلي طولت عليكم بزاف بصح غير جربوها والله غير شابة بزاف