السفنج على طريقتي

الكل مدعو للدخول جبتلكم السفنج مع طريقة التحضير وبصور طبعا

السلام عليكم

نبدا بالمقادير
انا عملت 4كيسان فرينة
مغرف ماشي معمرة ملح
مغرف خميرة الخبز احوالي 6غرام
مغرف زيت
2 كسان ماء

طريقة التحظير

نخلط جميع المقادير جيدا مع بعض انا استعملت الباتار نغلف الخليط بغلاف بلاسيكي ونخليه يخمر وعند مايخمر ناخذ كامل العجينة ونطلع منها الهواء لي فيها ناخذ بلاطو نقطع العجين مثل مانعمل مع المسمن نخليهم يخمرو وفي هذه اللحضات نجيب زوج مقلات الاولى نضع فيها قليل من الزيت حوالى اربع مغارف زيت والثانية يكون فيها زيت كافي باش نقليو السفنج عندما يخمرو نشمخو يدينا بالزيت ناخذ العجين نثقب من الوسط ونضعه في المقلات الاولى لي فيها شوية زيت ونخليه حوالي نصف دقيقة حتى ينتفخو حبات السفنج ثم نحملو ونضعه في المقلات الثانية يكون فيها الزيت غزير وسخون ونقيس عليه الزيت من فوق بواسطة المغرف ثم نقلبو بلخف ونخليه يحمار ورح تشوفو الفرق لو حطيتو مباشرتا العجين في المقلاة لي فيها الزيت كثير
ان شاء الله نكون شرحتلكم مليح وجربوه واي استفسار راني هنا

متنساونيش بدعاويكم الصالحة

وضروك نخليكم مع الصور ونشاء الله برك يعجبكم