حلويات منوعة شهية وسهلة للجميع ( للمبتدئات خاصة)

اهلا بكم اخواتي العضوات , انا عندي ليكم واحد الحلوى السابلي غير مكلفة وساهلة فى التحضير و تتخرج اكتر من شكل, انا عملت بيها تلات اشكال و انتي اختي ممكن تعملى بيها الاشكال لي تتفضلي نبداو على بركة الله , باسم الله

مقادير العجين
انا ضوبلت المقادير ممكن تعملي غير النصف
نصف كيلو من الزبدة
خميرة الحلوى واحدة
10 معالق كبار ديار سكر كلاصي
شوية الملح,2 بيضات
الطحين على حسب الخليط
انا تنعمل تقريبا كيلو الطحين
سمحوا ليا را ه نسيت نصور المراحل من الاول و لكن راه ساهلين و باين السابلي منيين كنبداه
نخدوا الزبدة تكون على حرارة المطبخ بعني متكونش فى التلاجة باش اسهال علينا الخدمة
الزبدة نخدموها مع السكر كلاصى و من بعد نزيد البيض و الخميرة و الملح
تم نجمعوا بالطحين بشوية بشوية نخليكم مع بقية الصور



مني نجمعوها نقسموها على تلاتة بهاد الشكل



العجين الاول درت فيه حامضة محكوكة, و العجين التاني درت فيه ملعقة قهوة مدوبة فى شوية الماء ديال نسكافيه, و العجين الاخير درت فيه اربع كيرى.






العجينة لي عملت فيها نسكافيه زدت ليها شوية الطحين حتى حسيت بيها انها مبقاتش تلصق


http://www.anaqamaghribia.com/pic/im...cb2qrwk0os.jpg



و هما واجدين باش ندلكهم

ناخد اول العجينة الي فيها الحامض و نوضعوها فى البلاستيك و ندلكوها بهدا الشكل







و نقطعوها بالطابع الي عندك فى البيت




نوضعوها فى الفرن معتدل و يكون طبعا سخن و تحمر غير شوية السابلي متيحتاش الطياب بزاف

مني تطيب و تبرد تماما نغطسوها فى الشكلاط اسود بهدا الشكل


http://www.anaqamaghribia.com/pic/im...3jpt8wus1s.jpg

و نوضعوها فوق بلاطو فيه البلاستيك باش الا نشفات تسهال علينا نزولوها


من بعد ما نكملو ناخد ورق الزبدة او بوش ادوي نعملو فيه شوية شكلاط ابيض و نعملو تقب صغير جدا و نبداو نعملو كبحال شرائط فو ق الحلوى

http://www.anaqamaghribia.com/pic/im...5jic1u7wvo.jpg



ندوزو للشكل التانى ديال نسكافيه
ناخد العجينة ندلكوها بنفس الطريقة







مني يطيب ناخد النجيمات و ندهنوهم بالنسلي و الشكلا ابيض محكوك بهدا الشكل






http://www.anaqamaghribia.com/pic/im...teon52zyqg.jpg





بقالينا الشكل الاخير
ندلكوه بنفس الطريقة






مني اطيبوا نلصقهم بالكوفتير او بالشكلاط او بالنسلي

و ندردهم فى السكر الكلاصى




و نقدمهم بالطريقة لي بغينا
نتمن اعجبكم و بالصحة و الراحة , طريقة التخزين, ممكن نوضعوهم فى المجمد , اصبروا اكتر من شهر.




أتمنى أن تنال إعجابكم بالصحة والعافية

منقووول