ابهري ضيوفك بالروووولي المالح ******

السلام عليكم ورحمة الله وبركاته
هذا رولي مالح لذيذ جداا من مطبخي وينفع كمقبل للضيوف
انا ماكنش عندي لحم مرحي استعملت اسكالوب رحيته وتبلته مليح وطيبته



ملعقة كبيرة بصل +ثوم + زيت + طماطم حب ومصبرة وهريسة + فلفل حار مقطع + دبشة وملح وفلفل اسود وكمون وجوزة الطيب على نار هادية اكيد مع السكالوب المرحي حتى طاب ونشف مليح



جهزي زيتون اخضر مقطع دوائر +وريقات دبشة + فرماج في كيس مثقوب للتزييين



اخفقي ثلاث بيضات + ملعقة قهوة فرينة + قبضة خميرة كيميائية +ملح فلفل اسود جوزة الطيب ودبشة مقطعة رقيق
سخني مقلاة تيفال او شواية وادهنيها بالزيت ونقصي النار واسكبي خليط البيض بمجرد ما ينشف ضعي الفرماج ثم اللحم ثم الفرماج ولفي









حطيه في صحن اقسميه كيما الرولي وزيني بالفرماج ودوائر الزيتون ووريقات الدبشة









ملاحظة
لازم كمية اللحم تكون كثيرة باه الرولي يجي مرتفع وشكله جميل
شهية طيبة لكم