** شوربة السردين***سرطين بالطمام**

السلام عليكم إخوتي الكرام
اليوم حبيت انوريلكم هاد الطريقتين في تحضير السردين بما انو رانا في موسم الصيف و راه السريدن متوفر بكثرة حبيت انفيكم ب شوربة السردين ما تستغربوش راهي اجي هايلة و ايضا وصفة و لا أروع و هي سريدن بالطمام و اجي بنيييييييييييينة بزااااااااااااف و الان بسم الله
سردين بالطماطم
المقادير:
معدنوس،ثوم، ملح، فلفل، ورقة رند،كمون ،5 حبات طمام مرحية متوسطة الحجم ، سريدن منقي و منزوع العظم و الظهر و الذيل مثل ما راه موضح في الصور



نمتك الطمام بالفلف و الملح و الزيت و الكمون و الرند و نديرهم على نار هادئة و كي تقرب اطيب ديريلها شوية ماء و الثوم مرابي و الثوم ديري كمية مليحة لانو يجي بنين ثم غير تولي تغلي ديريلها السردين و خليه يطيب واحد 15 د و طفي عليه راه ما يديش بزاف الطياب و بعدها قطعي عليها المعنوس و الصور توضح ذلك






نعتذر على ردائة الصور لانو هنا كان عندنا خلل في الإنارة
شوربة السردين
المقادير:
بصلة ، طماطم حوالي 3 او 4 حبات متوسطين ، حبة بطاطا ، حبة قرعة كورجات ، 2 جزرات متوسطين ، سردين منقي و منزوع العظم و الظهر و مقسوم على اثنين ، فلفل و ملح و راس الحانوت تقريبا نفس مقدير الشوربة العادية و كرافس و قصبر و ايلا كان عندك شوية نعناع طري
نقلي الكل و نمرق بماء ساخن و انخلي الخضر تاعي اطيب ثم نرحيها مليح و ايلا كان خاصها الماء نزيدلها لانها ما اجي ثقيلة ما اجي خفيفة و انتي و واش اتحبي و نردها على النار و غير تولي تبدا تغلي انضيفلها السردين و انخليه يطيب تاني 15 د هاكذا و نطفي عليه و نديرلو شوية ليمون و قصبر مقطع صغير و بالصحة و الهنا
و اتكرككم مع الصور ماهيش واضحة





كلمة شكر تكفيني لا تنسوني من صالح دعائكم