تارت على شكل هرم من مطبخي

المقادير: بعد بسم الله والسلام عليكم
بسكوي ابيض
4 بيض
120غ سكر
120غ فرينة
رشة ملح وفاني
بسكوي بني
4 بيض
120غ سكر
80غ فرينة
40غ كاكاو
رشة ملح وفاني
للتزيين:
كريم باتسيير براليني
كريمة الزبدة:
100غ سكر عادي
2 بيض
فاني
120غ زبدة طرية مقطعة
سيرو
لوز ايفيلي محمص
التحضير:نبدا بتحضير البسكوي نضرب البيض + السكر والفاني حتى يصبح رغوة ثم نضيف الفرينة والملح ونخلط بواسطة ملعقة خشب ثم نفرغ العجينة في مول مستطيل وندخلها تطيب في فرن 180د لمدة 10د.
نفس الطريقة بالنسبة للبسكوي البني.
اما الكريمة:هي الكريم باتسيير والكل يعرف يحضرها وتضيفلها كمية من البراليني ونخبطها بالباتور حتى يمتزجوا والبراليني يحضر ب100غ لوز حب او كوكاو تحمصيه وهو سخون جداا ترحيه مع 100غ سكر قلاسي وتقعدي ترحي حتى يولي كالعجينة وهاهي صورة البراليني



ثم هاهي صورة الكريم باتسيير براليني



كريمة الزبدة: نضع السكر مع البيض على حمام مائي وخلط حتى يسخن نحوه من نار ونقعد نخبط حتى يبرد الخليط نضيف له الزبدة قطع تدريجيا ونخبط والفاني حتى يولي كريمة.
نبدا بتقسيم البسكوي نقطع مستطيل صغير من البسكوي الابيض او البني ثم نقطع بسكوي اصغر منو ونخالف اللونين حتى نوصل للاصغر والصورة توضح



ثم نبدا بمونتاج التارت نضع القطعة الكبيرة هي الاولى ثم ندهنها بالسيرو


ثم ندير الكريمة على البسكوي



ثم نحط فوقه قطعة من البسكوي اصغر منه وندهنا بالسيرو والكريمة باتسيير



وهكذا مع كامل الطبقات حتى نوصل للاصغر



ثم نطليها كامل بكريمة الزبدة



ونرش كامل عليها لوز ايفيلي






ثم لما نقطعها نشوفو الطبقات حقيقة مداقها رائع وشكلها اروع








اتمنى تعجبكم وتحياتي للجميع