وصفة الكرواسون وطريقة الصحيحة من محل الحلويات

صباح الخير:
نظرا لكثرة الطلب على الوصفة الكرواسون اردت تقديمها واسفة على تأخري وهذا راجع للأسباب:
1- السر1 في عجينة الكرواسون لازم الة التخمير باه ينجح كي ماكاين حتى واحد عندو تتوفر الا في محلات الحلويات اضطررت للبحث عن البديل{ شوفو هذه العقلية} سقسيت شيف مختص في الحلويات قالي اذا مكانش مايصنعوش ثم اتصلت باحد معارفي في فرنسا سقساو شيف فرنسي قاللهم كاين البديل واليوم جبتولكم
هذيه هي الدزاير
نبداو"
2 كغ فرينة+250 غ سكر عادي+3 بيض+40 الى45غ محسن+فنجان زيت+50 الى60 غ ملح+150 غ خمارة الخبزفي الشتاء وفي الصيف100 غ +زبدة التوريق600 غ
ربي الخميرة{500 غ فرينة+ملح+خمارة+سكر+ الماء} رونيها قدما العجينة تولي يابسة ادلكيها بكف اليد امليح ثم اتروكيها تخمر
وجدي عجينة الكرواسون ماعدا زبدة التوريق وخلطي مليح ودلكي بكف اليد مليح مرة اعلى مرة انثرى عليها الفرينة وبقي تدلكي اتروكيها ترتاح
وجدي الزبدة وضربيها بالمطرقة او الحلال ولميها بكف اليد وبقى تضربي حتى ترجع بيضاء هذا السر انتاعها2
ابسطي العجينة وضعي فيها اطراف الزبدة ثم اطويها على2 وأحد لطراف ايولي ليك ثم حليها امليح ثم اعيدي التطبيق ومن هنا يبدا التطبيق1 ثم 2.3.4 الكرواسون فيه 4 دورات فقط ثم حليها حتى اتشوفي الزبدة دخلت في العجينة حلي العجينة كبيرة تقريبا 1 سم
قطعي الحواشي ثم قطعي العجينة في الوسط يبداو 2 مستطيل ثم قطعيهم مثلاثات وفي كل مثلث فتحة الي تقسم المثلث
خذي المثلث كسليه شوية وقلبيه{هذا السر3} بعدما اقلبتيه طبقي الجوانب على بعضهم ودوريهم بتكسال يعني دوري وكسلي العجينة والزاوية الحادة اجي من الاسفل وتركيه يخمر قليلا وطليه بالبيض وتروكيه يخمر{مكان الة التخمير} ديري كيكوطة معمرة ماء تغلي في المطبخ وغلقي النافدة وخلي الكيكوطة ادير الفوار في المطبخ حطي سنيوات انتاوعك في المطبخ وخليهم يخمرو على الفوار
الفائدة من الة التخمير هو تخلي الكرواسون شباب وخفيف ولماع مش باهت ثم طيبيه
اما خبز الشكولا" عجينة الكرواسون حليها رقيقة قطعي الحواشى وفرغي شكولا فرميسال ولويهاملاحظة:اذا كانت العجينة ميدمة لويها عادي اما اذا كانت لا أطلي بصفار البيض ولويها كي ترجع حربوش عاودي قطعي الجوانب وقطعي قطع متساوية الحجم وطلي بالبيض وتروكيها تخمر ثم طيبيها
شهية طيبة للجميع مع التوفيق والنجاح تحياتي