ما تسمعيش لنصيحتها راهي تغار منك برك

عدد المساهمات : 1640 تاريخ التسجيل : 28/11/2012

سلام الله عليكن
واش الحال والاحوال ان شاء الله تكونوا كامل ملاح
*
موضوعي اليوم رايح يحكي على البنات الي يقولولكم ما تسمعوش الغنا ويقولولكم ما تلبسوش هذاك اللباس راهو ماشي مليح ولا يقولولكم راهو حرام ردوا بالكم ربي يحاسبكم يوم القيامة
وتقولك ثاني ماكلاه تبيني الزينة تاعك لراجل غير المحرم تاعك
وثاني تنهيك وتقولك علاقات وما علاقات ردي بالك راهو حرام
*
يا ختي غير ماكلاه تصدقي هذا الكلام
هذيك الطفلة الي تمدلك هذو النصائح راهي تغير منك وحاسداتك
وتقول انا نحكي معاها كيما هاك باش ما تطلعش هي فور عليا
وانا نبقى من الاخيـــر يوم ما تبين زينتها
ولا تقول لروحها انا نبور وهي تتزوج من هذاك الراجل الفحل الي راها عندها علاقة بيه
حتى انو يوم تشوفك تسمعي الاغاني تقول هذي انسانة حساسة وعندها قلب
انا نقوللها ما تسمعيش الاغاني باش يعود قلبها قاسي

؟؟؟؟؟؟؟؟؟؟؟؟
في بالكم هذا الكلام كاين منو كامل
علابالي بلي انتِ الي راكي تقراي في هذا الموضوع راكي تقولي في بالك هذي الطفلة الي راهي كتبت الموضوع راهي ناويتلي
على الشر وماراهيش حابتلي الحاجة المليحة

ختي كي عاد على بالك بهذا الشيء تقدري تفهميني وعلاش راكي تسمعي الاغاني ؟
تقدري تفهميني وعلاش راكي تخرجي بلا حجاب؟
تقدري تفهميني وعلاش راكي مع علاقة بهذاك البني آدم ؟
تقدري تفهميني وعلاش كي تسمعي وحدة نصحتك تحطي ايديك في وذنيك وتلعبيها ما راكيش تسمعي ؟
واذا قدرتي ثاني فهميني وعلاش كي تشوفي مواضيع تاع دين (طنشي كيما يقولوا خاوتنا) وديري روحك ماكيش معنية بالموضوع ؟
****
اختي في الله
والله لم تكن تلك تغار منكِ ابدا بل تغار عليك
ووالله لم تكن تحسدك بل كانت توقظك من سباتك
ألست مسلمة تفتخرين بربك و برسولك وبدينك
لما تتجاهلين النصائح اذا وتتعامين عليها ؟
لما لا تسمعيـــن لمن اراد لكِ مصلحة وتتجاهلينها
لما تتبعـيــن اهواءكِ وكأنك انت البشر الوحيد على سطح الارض
كلنا لدينا اهواء ، نزوات ، شهوات ولكن لكل منا طريقته في كبتها
بالله عليكِ أختي افيقي من سباتك قبل ان تنتهي حياتك
ماذا حضرتِ ليومك هذا

تلك الفتاة كانت تخاف عليك من هذا اليوم فلا تجعلي نصائحها تذهب هباءا منثورا
ولتعلمي أن من عاتبك على شيء فعلته لهوى نفسك
انما هو من شدة حبه لكِ لا غير

****************************** ********************
وقال الله تعالى: {فَإِنْ لَمْ يَسْتَجِيبُوا لَكَ فَاعْلَمْ أَنَّمَا يَتَّبِعُونَ أَهْوَاءَهُمْ وَمَنْ أَضَلُّ مِمَّنِ اتَّبَعَ هَوَاهُ بِغَيْرِ هُدًى مِنَ اللَّهِ إِنَّ اللَّهَ لَا يَهْدِي الْقَوْمَ الظَّالِمِينَ} [القصص/50]

» لي ماتدخلش راهي تندم
» بسرعة العجينة راهي تستنى
» يلي راهي حابة تجرب مسكوشو سهلة ولطيذة
» دورة كروشي:شكون راهي حابة تتعلم كروشي؟
» دورة كروشي:شكون راهي حابة تتعلم كروشي؟؟؟ راني هنا نديرلكم دورة