حنة في الفاتحة - ادخلوا حبيباتي

السلام عليكم

وش راكم يا بنات المنتدى نتمنى تكونو كامل بخير

الاسبوع الجاي ان شاء الله الفاتحة تاعي ورايحين يحنيولي فيها ( عندنا اما يهزو الفاتحة ويلبسو الخواتم ويقصو لاطارط برك او تكون فيها حنة تاني يجيبو فيها للعروسة حاجة ذهب - خلاف الخاتم - ووحوايج خرين )

1- احكيولي يا بنات الشرق الجزائري وخاصة بنات قسنطينة كيفاه يفوت النهار ملي

يدخلو مالين لعريس حتى يروحو - من الاف الى الياء - ( المناطق الاخرى مش زينا

خلاص بصح مرحبا بيكم احكيولنا عاداتكم نهار الفاتحة )

2- وعندي سؤال - هل لازم نحني في قطيفة فرقاني ولا نقدر نحني في قفطان محروج

كيما هذا

http://t2.gstatic.com/images?q=tbn:A...-WbZ4hlGaOQYOQ


3- ووقتاش نوض باه نبدل ( نحي la robe ونلبس القطيفة )

4- والخواتم ( تاعي وتاع "عريسي" لازم يتحطو في boite وحدة ولا كل خاتم

وحدو )

5- وكل وحدة تحكي واش جابولها كي حنات في الفاتحة - ولا تحكي على فاتحة

حضرتها

جاوبوني على الاسئلة تاعي بليييييييييييييييييييييييييييييييييييييييييييييييي ييز راني حابسة على

بالي

لي تجاوبني بالتفصيل راهي معروضة واللي تجاوبني نص نص نبعتلها الباروك برك

اللي ما تجاوبش ...................