للعرائس والمخطوبين وش رايكم

اولا شكر كبير ليكم حباباتي ولكل طفلة سقسات وخمت عليا ونشكر كل وحدة تقلقت عليا ربي يخليكم ليا
وسامحوني لإني غبت عليكم بصح والله راني حاير وضايعة ومشني عارفة وش ندير
آلاء النايلية شكرا على موضوعك ولو إني حوست عليه درك ومالقيتوش
البنات الكل يسمين وbibicha w tamara و حسينة chimitta والبنات الكل ألف شكر
ولكل وحدة سقسات وش صرالي
نحكيلكم على اساس المرة اللي فاتت الخميس نتلاقاو
انا عيطلو قتلو ريحين نتلاقاو ولا لالا قالي راني نستنا فيك
تلاقينا أعطيتو ليبيس وادا قلت ماهدرش معايا نكدب هدر قالي لمي شعرك
أعدلي الخاتم في صبعك المهم برك
ومن باعد قعدنا في بلاصة 4 سوايع كاملة هو ماهدر حتى كلمة وانا كيفكيف
ومن باعد قلي هيا نروحو وقفت مشيت شوي لقيتو مازال واقف كي رجعتلو حضني
قلت صاي درك يقولي نوليو كيما قبل ويعطيني ليبيس وصاي بصح لالا
مهدر حتى كلمة وكي روحنا كيفكيف وعدات سمانة حتان اليوم الاربعاء ماعيط ماوالو
زدت انا ليوم عيط قتلو حنتلاقاو قلي راني نستنى فيك ونفس الحكاية تلاقينا وماحكينا والو
هو من النوع اللي يقول راي هو راي
وانا هكدا مانكملش من الأول قال حبسي خدمة وماتخرجي لا مع بنات ولا مع امك وانا نخرجك يومين في السمانة خلاني حتان حبست الخدمة ودرك ولات يوم في السمانة