راني ميتة بالخوف

السلام عليكم
انا يا لبنات مدللة في دارنا والفاتحة تاعي ورا رمضان
في الاول فرحت بصح درك كلما تقرب نقلق بزاف
خايفة نلقا عبد يتحكم فيا - خايفة ما نتفاهمش مع العايلة تاعو
المشكل لكبير انه عنده دار بصح حابني نسكن مع العايلة تاعو ( على الاقل عامين )
باه نوالف بيهم ونعرف طبايعهم
خايفة ما نلقاش راحتي معاهم ( مع العلم بلي هوما ناس قمة في الاخلاق و ناس ملاح ) بصح راني نهدر على راحتي مع راجلي وراحتي الشخصية ( كيما والفت في دار بابا)
الراجل خدام وفحل وحاب وحدة فحلة - وانا فحلة في دارنا بصح راني نتخيل في مسؤولية اكبر
بالعربية راني خايفة من الزواج ومن التجربة الجديدة من كل النواحي
نطلب من المخطوبات وخاصة المتزوجات يقولولي تجاربهم
على خاطر راني خايفة بزاف لدرجة اني نخمم نبطل
شكون فاتت بالتجربة تاعي
( انا موالفة ننصح لبنات وموالفة نعرف صلاحي - بصح المرة هادي كي جات فيا وليت ما نعرفش نخمم)
اعطيوني رايكم وفهموني علاه راني نحس هاكا