ياخي راهم عادات برك - مش فرض ولا سنة

السلام عليكم
حبيتكم تشاركوني في حاجة راني نخمم فيها
كاين بزاف حوايج في عوايدنا مانيش حابة نلتزم بيهم على خاطر على بالي بلي ما يخرجوش عليا
كيما لمطارح تاع الصوف حابة نشري تاع president برك
مانيش فنيانة - راهم برك يديرولي حساسية وزيد ثقال

والفراشات اللي على كل نوع زيدلهم " لي كويت" و الزور
ما نيش فاهمة علاه هادوك كامل - يبقاولنا لعشرين سنة
يخي نغطيو بكوويت واحدة وزاورة واحدة - les dras صح لازم نكثر
معليش ونزيد كوويت وزاورة للضياف كون يجيو
بصح les couvres lits هادوك كامل علاه et surtout تاع زوج ملاين وثلث ملاين - لقيت وحايد ب 250 ولا 450 الف tres chic

هادا خلاف عوايدنا واش لازم يجيبونا في الحنة - رانا نزيدو فيها بزاف -
انا مايهمونيش الناس خلاص - بصح دارنا .........الله غالب
هوما مش رايحين يكثرو عليه - بصح كاين دايما مقولة ( لازم يجيبو على الاقل ...)
واش قلتو لبنات
الدين تاعنا سهل علينا ( اقلكن مهرا اكثركن بركة )
بصح المجتمع تاعنا دار دين تاعو وحدو
استغفر الله
وما تقولوليش هادو مجرد عادات - على خاطر رانا نطبقو فيهم اكثر ما نطبقو واش قال ربي