البقع السوداء في الوجه (الدسة)

[السلام عليكم حبيباتي انشاء الله تكونو بخير
اليوم حبيت نسقصيكم على مشكل البقع السوداء الي راهي منتشرة بكثرة في هذه الايام خاصة عند البنات وشوية تاع رجال هذه البقع كانت بكري نشوفوها ونسمعو بيها غير عند المراة الوادة جديدة ويقولولها الدسة وبالفصحة من المفروض الكنف لكن في ايامنا اصبحت عند الشابات كنت نضن انها ممكن تكون من كثرة استخدام المساحيق وتخليطها لكني ما نستعملش المساحيق وما نخلطش نستعمل كلشي طبيعي
ناس بكري يقولو واحد كي تكون فيه دسة في وجهو معناها ان في ناس يخبو او يدسو في وجهو الاشياء ومنها جاء اسمها الدسة
عرسي قريب وعندي مدة بديت نلاحظ فيها في وجهي عند عيني وبقع صغيرة في الانف وفي الخدود بالرغم انها خفيفة بصح خايفة مع الوقت تزيد
كيف ما تعرفو راني نستخدم في الشب تقريبا يوميا في الليل قبل النوم نغسل وجهي بالماء بارد ومن ثمة نحك قطعة شب على وجهي كامل ونخليه حتى يجف ومن باعد نرقد وفي الصباح لازم نغسل وجهي بالصابون لان الشب يسمر البشرة مع الشمس والفايدة تاع الشب بهذه الطريقة ان يخلصك من البقع السوداء وخاصة الناجمة عن حب الشباب قلت نجربو بلاك ينحي الدسة تاني
راني حابتكم تعاونوني كاش ما كاين حل اخر وخاصة اذاكانت الوصفة طبيعية هكة افضل
وخاصة الي مرو بهذه التجربة وتخلصو منها افيدونا من فضلكم
وجزاكم الله كل خير انشاء الله