تجربتي مع حب الشباب

السلام عليكم ورحمة الله وبركاته

شوفو خياتي انا كنت نعاني من حب الشباب وكان مكرهلي حياتي

مكاش حاجة مسييتهاش حتى ماما قاتلي يا نهار تحرقي وجهك

ولييت منحبش نشوف روحي في المراية وراني حطيت موضوع

في المنتدى نسقسي كيفه نتخلص من الاثار تاعو وبعد تجارب

عديدة قاتلي وحد الاخت في احدى المنتديات ربي يذكرها بالخير

عطاتني وحد الوصفة انا مع اللول خفتها بصح قلت انا راني نسيي

خليني نشوف

المهم بلامنطول عليكم

جبت عشبة المرمية وعشبة البابونج ورحيت منهم بنفس الكمية

حتى ولاو كيما البودرة من بعد حطيتلهم ماء مغلي وغطيتهم

غدو من ذاك ولاو كي العجينة وحطيتهم قبل ما نرقد النهار اللول

حرقني وجهي شوي خفت ونحيتهم بعد نصف ساعة من بعد ولا

ميحرقنيش وليت ندير مرتين في النهار ومتامنوش الحاجة اللولة ا

اللي شفتها انو الحبوب بدات تيبس والاثار بدات تختفي بالعقل

يعني خفت الدرجة تاعها ومننساش كي نحي العجينة من وجهي

نغسل بماء بارد ونمسحو بزيت الضرو قاتلي عليه اخت في هذا

المنتدى ربي يجازيها كل خير

انشاءالله تستفادو من هذي الطريقة وتدعولي


اختكم نوال