عملتهم بمناسبة نيل اخي شهادة البكالوريا

البقلاوة

4 كيلات فرينة سيم
قرصة ملح رطب بزاف
كيلة سمن ذايب و بارد
حبة بيض
كيلة ماء الزهر
لميها و اقسميها الى 14 كويرة كوريهم في المايزينة و حطيهم في ساشي و اتركيها ترتاح
بالنسبة للسمن الي تدهني بيه بين الطبقات انا نظيفلو شوية خمارة الحلوى باش تجي البقلاوة مورقة
بالنسبة للحشو 3 كيلات لوز كيلة سكر عادي فاني و تشي بماء الزهر و كانك تفتلي في الطعام تجي متبعثرة ما تلميهاش و اذا استعملتي الكاوكاو نقصي من كمية السكر قيس 2سم من العبر
طبعا تحليها رقيقة بزاف تدهني بلا بالسمن و تحطي 7طبقات بيناتهم السمن الممزوج بشوية خمارة ثم الحشو متناثر رشي بشوة ماءالزهر ثم الطبقات السبعة المتبقية وبيناتهم دائما ادهني بالسمن الذائب
اصنعي وريدات من العجينة بمول خاص على شكل وردة حطيها في كل حبة طبعا بعد ما قطعتي البقلاوة على شكل مقروطات و ارشقي حبة لوز في الوسط
طيبيها
عسليها"2كيلات عسل المرجان +1كيلة مش مملؤة ماء الزهر
ديريها في الكيسات
الحنيونات او البراسليات بالطلية
3كيلات فرينة
قرصة ملح
كيلة سمن ذايب و بارد
كيلة ماء الزهر
تكون رخوة اقسميها كورات غطيها ببابي فيلم وخليها ترتاح
الحشو
3كيلات لوز و كيلة سكر عادي قشور القارص فاني لميها بماء الزهر
حلي العجينة 4ملم اصنعي حرابيش من العقدة ولوي عليها العجينة لفيها حول سدادة ماء معدني اغلقيها كما في الصورة باش يكونو كل الحبات بنفس الحجم

طيبيهم خليهم يبردو مليح
الطلية
1بياض بيض ظربيها كاثلج ظيفي علبة سكر المرجان ثم اظيفي عصير قارص وماء الزهر او ماء الورد و الفاني و مغرف زيتو ملون حسب الرغبة انا استعملت الوردي و خلي شوية بلون ابيض زيديلها الملون الابيض للتزين بالخطوط كما في الصورة
اطلي الحلوة بالون الوردي الفاتح طبعاكتنشف مرري عليها بواسطة اسفنجة جزيئات لاماعة الرطبة بلون وردي ايضا
ضعي الطلية البيضاء في ساشي اثقبي ثقبة صغيرة جدا وزيني بخطوط و نقاط كما في الصورة للحلو في الاول
ورود عجينة الوز استعملت عجينةاللوز الجاهزة لونيها بالوردي ايضاو ظفيلها المايزينة حتى تشد روحا اطبعيها بالمول الخاص
ادهني الوريدات من الاسفل ببياض البيض ضعيها في وسط كل حبة
اصنعيلها وريدات بلون اخضر الطلية البيضاء لونيها بلون اخضر فستقي شكلي الوريقات زقزاق
مقروط اللوز
لازم اللوز تحضريه مسبقا تنزعيلو القشور و تيبسيه للظل و ترحيه رطب
3غرفيات لوز مرحي
غرفية سكر قلاسي
قشور 3حبات قارص مغرف زبدة طرية
اجمعي بالبيض
شكلي حربوش و قطعي مقروطات خليهم يشيحو تقريبا ساعة بعد ما تحطيهم في بلا مرشوش بالفرينة
طيبيهم 10دقائق فقط ينشف برك ما لازمش تكثريلو الطياب
اغطسيه في مزيج ماء الزهر و ماء الورد ثم مرمديه في سكر قلاسي المرجان
كملي الكمية ضعيهم فوق ورق المائدة
زيدي رمديه بالسكر مرة ثانية ملسيه مليح بكف اليد و غربلي فوقو السكر قلاسي بواسطة مصفات
انشالله نكون وضحتلكم مليح