ماجستير في اختصاص الحياة الزوجية

بنات كل وحدة فينا راسمة فكرة عن حياتها الزوجية واكيد راهي ملونتها بالوردي و الموف و الفراشات طير و العصافير تزقزق ولكن هذه الحياة التي تتمناها كل وحدة فينا ماش طول نهار الاول تلقاها يسمى هي الي تاسسها و تبنيها وتعتبر السنة الاولى للزواج اصعب مرحلة في الحياة الزوجية لانه فيها تتحط قواعد الحياة العديد من العرائس يقول بعد الزواج تصدمنا واغلبيتهم من اول مشكل صغير فاليزتها و دار باباها وللاسف ما يعرفوش بلي راهي اختبارات عابرة يسمى كيما المدرسة نقراو من بعد نجوزو الامتحانات هكا الحياة ايامات الخطوبة قراية اول الزواج امتحان والي تنقز الحفرة تتخرج بمونسيو يا رب هنينا كامل
على بالي طولت لاهمية الموضوع حبيت نديرلكم سؤال كيما الي يجيو في مسابقات الماجستير والا عجبكم الموضوع نديروه متججد يسمى كل مرة نحطو سؤال و ناقشوه
بعد ما رحتي عروسة وكنت متفاهمة مع زوجك تسكنو وحدكم وصايي على بالك انه دارو وحده نهار الاول تدخليلها تلقايها ماش كاملة يسمى دايرين غير الحيوط ناقصتها شحال من حاجة ما تعتبرش ضرورية 100/100مثلا الكوزينة عبارة عن غرفة ناقصة كرلاج والصبغة والماء غير عين وحدة مثلا تكون في حوش او في بلاصة شوي بعيدة.واش يكون موقفك وفي مناقشتك مع زوجك في هذا الموضوع واش تتقترحي عليه كحلول خاصته اذا تناقشتو في امر سكن قبل الزواج و ووصفلك الدار كما سبق ووصفتهالك؟حللي و ناقشي