الروز الجربي من اعدادي والطعم اكيد في التوب

اهلا بالفحلات والحراير منورينا
كيما تعرفوا امس كان تاسوعاء وكنا صايمين
ايا المهم درت روز جربي قلت لازم نفيدك
هيا مالا
اول حاجة جيبي الخضر الي عندك كامل الا الطماطم ما تكثريش
وحتى الخضار الاخرين ما تبالغيش في الكمية عينيك ميزانك
قطعي الخضار رقيقة
والبطاطا تكون اخشن شوية مربعات محسوب كيف تاع القلي
وقصي الكاشير رقيق والزيتون والفورماج كامل ديريهم مع بعض في حاجة واسعة
واغسلي الروز بالماء ونشفيه وخلطي المكونات الا تحبيه احمر ديريلوا الطماطم انا هنا درت شوية برك ديروا الزيت بزاف شوية باه ما يلصقش الملح التوابل
وخلطي مليح
وحطي المكونات في كسكاس يفوروا
وحركيهم كل شوية وشوي لا يلصقلك لانك كيف ديري شوية زيت برك ممكن يعجنليك
ديري لين كيف تهزيه تحي شبه مشمخ زيت /نكرر ولو اني بالغت في الكلام على الزيت لانوا سر النجاح
وكيف قلنا كل بعد مدة طويلة شوية هزي الغطاء وحركيه لين يطيب
وزينيه وقدميه طعموا رائععععععع
نخليكم مع الصور حبوباتي
والردود نستنوها منكم اي سؤال انا في الخدمة




بصحتكم
تشجيع يا جماعة لاني مازلت صغيره ههههههههههههه في 17 على قولل وحد الاخت هنا