ايا فيقوا و انفضوا الغبرة

صباح الخير يا العرائس الكسلانات ايا ما بقاش عندنا وقت و الي تقول عرسي مزال عليه راهي غالطة راهي تحصل من بعد خاصة الا كانت وحيدة في دارهم عندها ما يستناها
وعليه كل وحدة تشمرة على يديها و تبدا تنظم روحها واي حاجة كملتها تبدا تخملها هكا تكسب وقت و تعرف واش ناقصها حاجة اخرى راني درت بحث معمق بالتقرعيج على العرايس الجدد اختكم من الطاقة تاع الشمبرى ما تبوجيش (انفاس ليا عروس جديد ههههه) وزيد صاحبتي زوجت كل يوم نفلكسي و نعيط نقرعج و زيد بنات فامي توصلت لاشياء مهمة كامل اجمعو انه التكثار تاع الحوايج و الشريان برك ندمو عليه وزيد حوايج اخرى لهذا اقترح عليكم الموضوع هذا الي بيه نخملو حوايجنا و نشوفو واش نشرو دون تبذير باه ما نندموش كيما الي سبقونا يسمى كل وحدة تقول لينا كيفاش راح دير حوايجها في لي فاليز و وواش معولة دير هكا نتعاونو و نديرو شورة مليحة و ما نندموش عليها