علب الياوورت الفارغه

السلام عليكم ورحمه الله تعالي وبركاته جبتلكم اليوم فكر مانعرف اذا تعجبكم ولا لالا انا جربتها ونفعتني بزاف وهي علب الياوورت الفارغه ماترميهاش اغسليها ودسيها وكي يكون وقت القارص رخيس اعصريه ودسيه فيه وغلفيه بورق الالمنيوم وكذلك وقت الفلفل او الهريسه دسيهم وتقدري تجبدي قدراليوم برك والله تنفع خصوصا في الشتا كي يكون الفلفل غالي او ماتصيبيش القارص ويكون غالي في الصيف او في رمضان الحاجه الزينه في الفكره انك تجبدي بكميات قليله ماتضاليش تستناي فيها وقتاش تذوب خصوصا اذا كنت مزروبه وعندك ضياف نتمنى تكون عجبتكم الفكره