ورشة صبيبيط للأطفال

نبداو بسم الله الورشة تاع هاد الصبيبيط ............اسعملت الخيط على 2 و كلالي 2 كبات بالضبط






هاد المقاس تاع وحدة عمرها 5 سنوات ........ماكانتش قدامي باه نقيسلها طلبت منهم طول القدم تاعها ههههههههههه

قالولي 16 سم و بديت العمل على هاد الاساس ..........كل واحدة على حساب الصوف ............جاتني رقيقة خدمتها على 2


اولا نخدمو القطعة لي تجي من الفوق ............نخدمو 2 للفردتين ..........بالاكو تخدمو وحدة برك ههههههههههه


نديرو 10 سلسلة + 3سلسلة و نطلعو للسطر التالي ...........كي نوصلو للطرف نديرو 5 اعمدة في نفس المكان باه يدور العمل







السطر التالي 3 سلسلة و نقلبو العمل و نخدمو اعمدة حتى نوصلو للطرف نخدمو 2 عمود في كل عمود من الاعمدة 5 السابقة ...اي يولو 10 اعمدة في الطرف








و نزيدو السطر 3 بنفس الطريقة ......نحطوهوم بجيهة و نبداو القاعدة


خدمت 20 سلسلة .+ 3 سلسلة و نعمرو السلسلة بالاعمدة ..كي نوصلو للطرف نخدمو 5 أ.عمدة في نفس المكان باه يدور العمل

....حتى نوصلو للطرف نخدمو 2 عمود في كل عمود من الاعمدة 5 السابقة ...اي يولو 10 اعمدة في الطرف













و نزيدو السطر 2 بنفس الطريقة... لكن باعمدة بلفتين .حتى نوصلو للطرف نخدمو 2 عمود في كل عمود من الاعمدة 5 السابقة ...اي يولو 10 اعمدة في الطرف

السطر 3 نفس الشيء .............


كي نكملو القاعدة نبداو نطلعو........نخدمو اعمدة خلفية بلفتين













نزيدو السطر الثاني ............بعدها نجيبو القطعة لي خدمناها من قبل ........نحطوها فوق الصبيبيط و نثبتوها بالدبابيس






و نغلقوها بغرزة الحشو






كي نوصل لاخر غرزة ندير 3 سلسلة و نكمل نخدم اعمدة بلفتين الى ان نصل الى مكان القطعة لي أضفناها نكملو فوقها اعمدة









و نزيدو سطر اخر ...........هنا كل واحدة و الارتفاع لي تحبو ............انا درت سطرين فقط








كي نغلقوه ...........نزيدو نخدمو سلسلة طويلة و ندخلوها بين الاعمدة باه نربطو بها الحداء